Zertan demontre gabiltza txakolinarekin?

Ba bai, deskargatu egin nahi dut apur bat zur eta lur naukan gai honekin. Burgoskoek eta Kantabriakoek txakolinaren izendapena nahi dutela? ETA ZER?

Izango da ez naizelako txakolin dastatzailerik finena around the world, baina barregarria iruditzen zait iskanbila. Euskadin Errioxa izendapen barruan dagoen ardoa ekoizten dugu, eta zer diote errioxarrek? Ba ez dakit, baina imajinatzen dut poz-pozik ibiliko direla euren izena ahalik eta gehienek eramatearren Errioxako mugetatik kanpora.

Bilbo, Great Wine Capitals sarearen barruan dago (Munduko Ardo Onenen Hiriburuak) Errioxa izendapenari esker. Gu horretaz baliatu egiten gara, eta era berean, Errioxak ere bere etekina ateratzen du.

Baina gauza batzuentzat itxi-itxiak garela ematen du. Zer desberdintasun dago Errioxako ardoaren eta txakolinaren kasuen artean? Izena bakarrik. Baina oso zonalde zehatz baten egiten den ardoa saltzen baldin badakigu, zenbat eta gehiagok saldu marka hori, ASKOZ HOBE. Denok dakigu nongoa den txakolinik onena, ezta? Orduan non demontre dago arazoa?

Polemika apur bat gurerago ekarririk, imajinatzen al dugu zer gerta zitekeen Idiazabalgo herritarrak kexu agertuko balitzaizkigu euren izena daraman gazta Euskal Herria osoan fabrikatzeagatik? Zoramena!

Ez dakit, nire iritzi apala da, baina hel diezaiogun arazoari zentzutasun apur batekin eta zabal dezagun munduan txakolinaren marka.

Bide batez, eta atzamarra begian apur bat gehiago sartzearren, zergatik ez diogu buelta bat ematen izenari berari? TXAKOLÍ!? Euskaraz TXAKOLINA da, puntu. Euskal hitza erdaldundu eta gero erdaraz dagoen hitz hori berriro ere euskal grafiaz idaztea… Mastercard! (notieneprecio).

Topa!

2 thoughts on “Zertan demontre gabiltza txakolinarekin?”

  1. Oso post interesgariia idatzi duzu.

    Nire ustez, nola Lopezek defentazen duen izen euskaldun bat bere lagunarekin aurka dibertigarriena da.

    Baina zuk ala biok usten duguna ez da garrantzitsua: nork eman behar du “denominación de origen” deritzona baizik.

    1. Bai, hori dibertigarria da.

      Ez dakit nork banatzen dituen “jatorrizko izendapenak”, baina Errioxako ardoaren kasuarekin erkatuta… ez dakit, ez dut batere argi ikusten txakolinarena.

      Mila esker parte hartzeagatik.

Leave a Reply to hitzaketahotsak Cancel reply

Your email address will not be published. Required fields are marked *