Iturri desberdinetatik heldu zait egunotan “munduko hamaika eskola berritzaileenen” berri; Lorearen blogean irakurri dut, adibidez. Egia esan, horrelako eta antzeko sailkapenak ikusten ditudanean, ohitura bat badut (ez dakit ona edo txarra): irizpideez galdetzea. Alegia, zertan oinarritu dira horiek –eta ez beste batzuk– direla adierazteko? Ba ote dago azpian interesik? Eta galderak luza daitezke; besteak beste, ea testuingurua zein den. Edota zein mailatako eskolak diren (“eskola” erabilita, ondoriozta liteke, dena den)
Ez da asko irakurri nuela teknologian punta-puntako enpresetako goi-kargudunek teknologia erabiltzen ez zen eskoletara bidaltzen zituztela seme-alabak. Neure golkorako pentsatu nuen seguruenik horren beharrik ere ez dutela horrelako haurrek; seguruenik, etxeak ematen die horretarako aukera, eskolarik gehienetan baino aurreratuago gainera.