Bildu eta Gara: itxurak ere gordetzen ez direnean

Gaur Bilduk akordio bat lortu du Euskadiko Erkidego Autonomoko hiru kutxekin, eta hala adierazi du twitter bidez. Gara egunkariak ere, berehala eman du berria, segiduan. Hona hemen irudia:

“Recoje” akats ortografikoa agertzen da gaztelaniaz Bilduk argitaratzen duen tweet horretan. Baina kuriosoa da akats ortografikoa Gara egunkariak errepikatzea, eta esaldia ere zati handi baten kopiatzea. Minutu bakarreko denbora-tartean guztia.

Bildu eta Gararen Twitter kontuak pertsona berberak eramango al ditu? Ala Garak Bilduri egin nahi dion propaganda nahiak ortografiaren mugak ere gainditzen al ditu?

Gaur, Bildu kutxen akordioaz mintzo da, eta EUDELen salatzen zuen bazterkeriaz ahaztu. Baina badirudi bazterkeria hori ere ez dela erreala, EAJk eskua luzatu ziola zerrendak EUDELen aurkezteko, baina ez duela Bilduren erantzunik jaso.

Bilduk astia dauka oraindik zerrenda horiek aurkezteko, baina zer aukeratuko du? EUDELen lanean hastea ala biktimaren papera berriro hartzea? Ikusiko dugu.

EGUNERAKETA:

Garak erantzun dit Twitter bidez aipatu akats ortografikoa duen tweet horri buruz. Bidezkoa da hemen euren erantzuna eranstea: “Kaixo, Ugaitz. No es tan “curioso”. Hemos reenviado el mensaje de Bildu subrayando la fuente y se ha colado el error ortográfico”

5 thoughts on “Bildu eta Gara: itxurak ere gordetzen ez direnean”

  1. Kaixo, Ugaitz
    Zuk pentsatzen duzuna baino askoz sinpleagoa da (eta inolaz ere “curioso”): Informazioa ahalik eta lasterren emateko asmoz, twitterretik kopiatu dugu adierazpena literalki eta erantsi dugu “explica Bildu”. Konturatu gabe, akats ortografikoa sartu da. Eta konturatzean, zuzendu egin dugu. Portzierto, zure twittetan ere akats ortografiakoren bat ageri da. Baina ez dugu esku beltzik ikusten. Gizakiak gara!
    Beraz, eskertuko nizuke egin duzun interpretazio harrigarria kentzea.
    Ulertuko duzulakoan, adeitasunez

    1. Kaixo Fermin:

      Twitter bidez eman duzuen argibidea jaso dut eta artikuluan erantsi. Ulertuko duzuenez, neure hitzen jabe naiz, eta ondorioz, baita nire akatsena ere. Ez zait zilegia iruditzen idatzita geratu den zerbait ezabatu edo aldatzea, batez ere, kasu honetan, arrazoi sinple batengatik: galdera bi bota ditut airera eta ez diet erantzunik eman.

      Argi geratu da Bildu eta Gararen Twitter kontuak, beraz, ez dituela pertsona edo lan-talde berberak eramaten, baina ez zait garbi geratzen Bilduri publizitatea emateko gose hori ez dagoenik. Eta hori iritzi bat baino ez da, errespetagarria hortaz.

      Gainera, gaurko kutxen kontuak, bidea ematen zidan EUDELen egon den “ustezko” bazterkeriaz hitz egiteko, eta egunotan komentatu dena argitzeko.

      Ulertuko duzuelakoan, zuen parte hartzea eskertuz eta zuen azalpenak onartuz, jaso agur bero bat.

      Ugaitz.

      P.D.: eta barkatu, jakina, nik ere akatsak dauzkat idazterakoan, dena delakoagatik (despistea, azkar baten ibiltzea…), baina kopia batek irakurtzea eta berriro idatzi edo itsastea eskatzen du. Beste barik.

      1. Egin ezazu nahi duzuna.
        Kasualitatez konturatu naiz zuk ere birtwitteatu duzula Bilduren tweet famatu hori (akats ortografikoa barne). Hitzik ez.
        Agur bero bat. Ondo izan.

        1. Jakina, haiena eta zuena birtwitteatu ditut, jarraian, antzekotasuna plazaratzeko, eta ondoren, nire tweeta botatzeko.

          Azpimarratu nahi nuen Bilduri eman nahi zaion publizitate grin hori, bazterrean EUDELena bezalako kontuak utziz. Baina aizu, hortxe dago iritzi eta adierazpen askatasunaren mamia eta aberastasuna.

          Errespetua inoiz galdu gabe, pentsamolde desberdinak isla ditzakegu, eta horretarako gaude hemen, eztabaidarako.

  2. Pingback: My Homepage

Leave a Reply

Your email address will not be published. Required fields are marked *