Guztion eskubide zibil eta politikoen aldeko larunbateko manifestazioak sentsazio isuria utzi du atzean. Hautsak harrotu egin dira, eta EAJ kritiken epizentroan geratu.
Joan ala ez joan? Hori da galdera. Ba argi dagoena zera da, joan aurretik zenbait gauza hartu behar izango direla aintzat aurrerantzean:
1. Fede ona rara avis omen da.
2. Adostutako paperak, batzuetan, haizeak eramaten ditu.
3. Erdian egoteak zaplaztekoak ezker-eskuinetik jasotzea dakar.
4. Ezker abertzaleak egindako hausnarketa sakonak ez du esperoko eragina izan euren zaleengan.
5. Errespetua ez da bakar batzuei zor zaien zerbait bakarrik, alde bietakoa behar du.
6. Manifestazioa deitzea erraza da, baina lelo handien atzean dauden xehetasunek ez dute protagonismorik hartzen, eta argi geratu den bezalaxe, askotan, xehetasun horiek dira protagonista.
Ondo goaz, bai jauna, bai andrea.
Fede ona rara avis izango da, baina ni fede onez joan nintzen zorioneko hartara. Eta fede onez ez nuen inor ere txistukatu ez iraindu. Fede onez segitu dut nire herriaren hobe beharrean lanean.
Hori da egin beharrekoa, jakina. Fede ona eta lana